काठमाडौं । सुदूरपश्चिम प्रदेशका नवनियुक्त मुख्यमन्त्री खगराज भट्टले पद तथा गोपनीयताको शपथ लिएका छन्। प्रदेश प्रमुख नजीर मियाँसमक्ष भट्टले पद तथा गोपनीयताको शपथ ग्रहण गरेका हुन्।

नेकपा एमालेको समर्थनमा शुक्रबार नै सुदूरपश्चिम प्रदेशसभा संसदीय दलका नेता भट्ट मुख्यमन्त्रीमा नियुक्त भएका थिए।

नेपालको संविधानको धारा १६८ को उपधारा (२) बमोजिम प्रदेश प्रमुख मियाँले भट्टलाई मुख्यमन्त्रीमा नियुक्त गरेका हुन्।

एमालेको समर्थनमा नियुक्ति

प्रदेशसभामा नेकपा प्रदेशसभा संसदीय दलका नेता भट्टले नेकपा एमालेको समर्थनसहित मुख्यमन्त्री पदमा दाबी गरेका थिए। आवश्यक समर्थन प्राप्त भएपछि प्रदेश प्रमुख मियाँले उनलाई संविधानको धारा १६८ को उपधारा (२) अनुसार मुख्यमन्त्री नियुक्त गरेका हुन्।

सत्ता समीकरणमा परिवर्तन भएपछि तत्कालीन मुख्यमन्त्री कमलबहादुर शाहले पदबाट राजीनामा दिएपछि नयाँ सरकार गठनको प्रक्रिया अघि बढाइएको थियो।

Originally published on abcnews.com.np.