दाङ । कर्तव्य ज्यान मुद्दामा २० वर्ष कैद सजाय तोकिएपछि १३ वर्षदेखि फरार रहेका एक व्यक्ति दाङबाट पक्राउ परेका छन्।
रोल्पाको कोटगाउँ–६ का ६० वर्षीय श्यामबहादुर झाँक्रीलाई जिल्ला प्रहरी कार्यालय दाङले पक्राउ गरेको हो। उनी हाल दाङको भौवा क्षेत्रमा बस्दै आएका थिए।
जिल्ला अदालत रोल्पाले २०७० वैशाख ३१ गते कर्तव्य ज्यान मुद्दामा झाँक्रीलाई २० वर्ष कैद सजाय सुनाएको थियो। अदालतको फैसला कार्यान्वयन हुन नसकेपछि उनी फरार रहेका थिए।
प्रहरीले लामो समयदेखि उनको खोजी गरिरहेकोमा विशेष खोजी अभियानका क्रममा पक्राउ गरिएको जनाएको छ।
पक्राउ परेका झाँक्रीलाई आवश्यक कानुनी प्रक्रिया पूरा गरी अदालतको फैसला कार्यान्वयनका लागि सम्बन्धित निकायमा बुझाउने तयारी भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्