चितवन । पहिरो पन्छाएपछि पृथ्वी राजमार्गमा सवारी आवागमन पूर्ण रूपमा सुचारु भएको छ।
चितवनको इच्छाकामना गाउँपालिका–५ सिमलधारास्थित पृथ्वी राजमार्गमा शनिबार राति करिब साढे १० बजे रुखसहितको सुख्खा पहिरो खसेपछि नारायणगढ–काठमाडौं सडकखण्ड दुवैतर्फ अवरुद्ध भएको थियो।
रातभर पहिरो हटाउने काम सम्पन्न भएपछि आइतबार बिहान ७ बजेदेखि सडकमा सवारीसाधन सञ्चालनमा आएको प्रहरीले जनाएको छ।
सडक खुलेसँगै काठमाडौं–नारायणगढ र नारायणगढ–काठमाडौं दुवैतर्फ रोकिएका तथा आवतजावत गर्ने सवारीसाधन नियमित रूपमा सञ्चालनमा आएका छन्।
Originally published on abcnews.com.np.
प्रतिक्रिया दिनुहोस्