काठमाडौं । वाणिज्य बैंकहरूले भदौ महिनाका लागि नयाँ ब्याजदर सार्वजनिक गरेका छन्। भदौ १ गतेदेखि लागू हुने नयाँ दरअनुसार अधिकांश बैंकले व्यक्तिगत मुद्दती निक्षेपको ब्याजदर घटाएका छन्।

भदौमा वाणिज्य बैंकहरूको व्यक्तिगत मुद्दती निक्षेपको औसत ब्याजदर ४.१३ प्रतिशतमा झरेको छ। साउनमा यस्तो औसत दर ४.१७ प्रतिशत थियो। यसअनुसार एक महिनामा औसत ब्याजदर ०.०४ प्रतिशत बिन्दुले घटेको हो।

त्यस्तै, संस्थागत मुद्दती निक्षेपको औसत ब्याजदर पनि घटेर ३.०८ प्रतिशतमा कायम भएको छ। साउनमा यो दर ३.१२ प्रतिशत थियो।

कुन बैंकको कति ब्याजदर ?

भदौका लागि व्यक्तिगत मुद्दती निक्षेपमा बैंकहरूले कायम गरेको ब्याजदर यस्तो छ :

निक्षेपकर्ताको प्रतिफल घट्दै

बैंकहरूले लगातार निक्षेपको ब्याजदर घटाउँदै जाँदा मुद्दती निक्षेपमा रकम राख्ने बचतकर्ताले पाउने प्रतिफलसमेत क्रमशः घट्दै गएको छ।

ब्याजदरमा आएको गिरावटले बचतकर्ताको आम्दानीसँगै बैंकहरूको निक्षेप संकलन रणनीतिमा समेत प्रभाव पार्ने देखिन्छ। विशेषगरी उच्च ब्याजदर खोज्ने संस्थागत तथा व्यक्तिगत निक्षेपकर्ताले बैंक छनोट गर्दा फरक–फरक ब्याजदरलाई ध्यान दिनुपर्ने अवस्था बनेको छ।

Originally published on abcnews.com.np.