काठमाडौं । नेपाल क्रिकेट संघ (क्यान)ले अस्ट्रेलियामा हुने टप एन्ड टी–२० शृंखलाका लागि नेपाल ‘ए’ टोलीको बिदाइ गरेको छ। आइतबार आयोजित कार्यक्रममा क्यानका उपाध्यक्ष रोशनकुमार सिंह, क्रिकेट निर्देशक विनोद दासलगायतको उपस्थिति थियो। नेपाली टोली सोमबार राति अस्ट्रेलिया प्रस्थान गर्नेछ।

अस्ट्रेलियाको डार्बिनमा अगस्ट २१ देखि ३० गतेसम्म सञ्चालन हुने प्रतियोगितामा नेपालले लिग चरणमा ६ खेल खेल्नेछ।

नेपालले अगस्ट २१ मा एनटी स्ट्राइक, अगस्ट २२ मा बंगलादेश हाई–परफर्मेन्स टोली, अगस्ट २४ मा होबार्ट हरिकेन्स एकेडेमी, अगस्ट २६ मा एसीटी कोमेट्स, अगस्ट २७ मा किङ्समेन र अगस्ट २९ मा भिक्टोरियासँग प्रतिस्पर्धा गर्नेछ।

नेपालले गत संस्करणमा पनि टप एन्ड टी–२० शृंखलामा सहभागिता जनाएको थियो।

त्रिकोणात्मक एकदिवसीय शृंखला पनि खेल्ने

टप एन्ड टी–२० शृंखला सकिएलगत्तै नेपाल ‘ए’ टोलीले अस्ट्रेलियामै साउथ अस्ट्रेलिया, तास्मेनिया र न्युजिल्यान्ड ‘ए’ सम्मिलित त्रिकोणात्मक एकदिवसीय अभ्यास शृंखलामा पनि सहभागिता जनाउनेछ।

नेपाल ‘ए’ टोली

• अनिलकुमार साह — कप्तान
• मयन यादव
• तृतराज दास
• कुशल भुर्तेल
• पवन सर्राफ
• रिजन ढकाल
• कुशल मल्ल
• लोकेश बम
• रशिद खान
• शाहब आलम
• आकाश चन्द
• नारायण जोशी
• दिनेश अधिकारी
• विपिन खत्री
• दीपक डुम्रे

Originally published on abcnews.com.np.