काठमाडौं । इंग्लिस फरवार्ड मार्कस रासफोर्ड म्यानचेस्टर युनाइटेड फर्किएका छन् ।

रासफोर्डले शनिबार इटालियन क्लब एसी मिलानविरुद्धको प्रि–सिजन मैत्रीपूर्ण खेलमा युनाइटेडको जर्सीमा मैदान उत्रिए । सन् २०२४ को डिसेम्बरपछि उनी पहिलोपटक युनाइटेडको जर्सीमा देखिएका हुन् ।

युनाइटेडमा पर्याप्त अवसर नपाएपछि पछिल्ला दुई वर्ष रासफोर्ड लोनमा अन्य क्लबबाट खेलेका थिए । उनले पछिल्लो सिजन स्पेनिस क्लब बार्सिलोनामा बिताएका थिए भने त्यसअघि इंग्लिस क्लब एस्टन भिल्लाबाट खेलेका थिए ।

सन् २००५ मा युनाइटेडको युवा एकेडेमीमा प्रवेश गरेका रासफोर्डले २०१५ मा सिनियर टोलीबाट डेब्यु गरेका थिए । उनले युनाइटेडका लागि २८७ प्रिमियर लिग खेल खेल्दै ८७ गोल गरेका छन् ।

युनाइटेडले अगस्ट २२ मा हल सिटीविरुद्ध खेल्दै नयाँ प्रिमियर लिग सिजनको सुरुआत गर्नेछ ।

Originally published on abcnews.com.np.