काठमाडौं, १ भदौ । नेपाली बजारमा सुनको भाउ आज पनि बढेको छ । सोमबार तोलामा ३ हजार ६ सय रुपैयाँले बढेको सुनको मूल्य आज थप १ हजार ६ सय रुपैयाँले बढेको हो ।

नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला ३ लाख ६ हजार ८ सय रुपैयाँ पुगेको छ ।

गएको शुक्रबार प्रतितोला ४ हजार ६ सय रुपैयाँले घटेको सुनको भाउ सोमबार र मंगलबार गरी दुई दिनमा ५ हजार २ सय रुपैयाँले बढेको हो ।

त्यस्तै, चाँदीको मूल्य पनि आज बढेको छ । चाँदी प्रतितोला ६० रुपैयाँले बढेर ४ हजार ७ सय ७० रुपैयाँ पुगेको महासङ्घले जनाएको छ ।

यसअघि गत माघ १५ गते सुनको मूल्य प्रतितोला २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो । नेपाली बजारमा सुनको उक्त मूल्य हालसम्मकै उच्च हो ।

त्यस्तै, गत माघ १५ गते चाँदीको मूल्य प्रतितोला ७ हजार ५ सय ५ रुपैयाँ पुगेको थियो । यो पनि नेपाली बजारमा चाँदीको हालसम्मकै उच्च मूल्य हो । गत माघ १८ गते चाँदीको मूल्य प्रतितोला १ हजार ५ सय ६५ रुपैयाँले घटेको थियो ।

Originally published on abcnews.com.np.