नेपालगन्ज । बाँकेको कोहलपुरबाट १३ किलो ६४ ग्राम अफिम र १४८ ग्राम चरेससहित दुईजना पक्राउ परेका छन्।
लागुऔषध नियन्त्रण ब्युरो नेपालगन्ज र सुर्खेतबाट खटिएको संयुक्त प्रहरी टोलीले विशेष सूचनाका आधारमा कोहलपुर नगरपालिका–६ बाट उनीहरूलाई पक्राउ गरेको हो।
जिल्ला प्रहरी कार्यालय बाँकेका प्रहरी नायब उपरीक्षक प्रतीतसिंह राठौरका अनुसार पक्राउ पर्नेमा रुकुमपूर्वका कर्णबहादुर बुढा र रुकुमपश्चिमका टोपजङ्ग भन्ने टाइपसिंह गिरी रहेका छन्।
प्रहरीले उनीहरूलाई नियन्त्रणमा लिने क्रममा एक राउन्ड हवाइफायरसमेत गरेको जनाएको छ।
पक्राउ परेका दुवैजनालाई आवश्यक अनुसन्धानका लागि लागुऔषध नियन्त्रण ब्युरो नेपालगन्जमा पठाइएको प्रहरीले जनाएको छ। घटनाबारे थप अनुसन्धान भइरहेको छ।
Originally published on abcnews.com.np.
प्रतिक्रिया दिनुहोस्