काठमाडौँ । राष्ट्रिय स्वतन्त्र पार्टी (रास्वपा) को केन्द्रीय समितिको बैठक आज काठमाडौँको चमतिस्थित पार्टी केन्द्रीय कार्यालयमा सुरु भएको छ।

बैठकमा महामन्त्री विपिन आचार्यले एजेन्डा प्रस्तुत गरिरहेका छन्। रास्वपाको पहिलो राष्ट्रिय महाधिवेशन असार ७ देखि १२ गतेसम्म चितवनमा सम्पन्न भएपछि यो दोस्रो केन्द्रीय समिति बैठक हो। यसअघि साउन १४ गते पहिलो केन्द्रीय समिति बैठक बसेको थियो।

आजको बैठकमा पदाधिकारी, सचिवालय सदस्य तथा केन्द्रीय सदस्य मनोनयन गर्ने विषय मुख्य एजेन्डामा रहेको छ। रास्वपा विधानअनुसार सभापति रवि लामिछानेले मनोनयन गरेका व्यक्तिहरूको प्रस्ताव बैठकमा प्रस्तुत गरिने र केन्द्रीय समितिबाट अनुमोदन गरिनेछ।

यसअघि साउन १३ गते बसेको बैठकले प्रधानमन्त्री वालेन्द्र शाहलाई वरिष्ठ नेताको पदमा मनोनयन गरेको थियो।

आजको बैठकमा भने प्रधानमन्त्री शाह उपस्थित छैनन्। उनी स्थलमार्ग हुँदै पोखरा प्रस्थान गरेका छन्। प्रधानमन्त्री शाहका राजनीतिक सल्लाहकार तथा रास्वपाका सहमहामन्त्री असिम शाह भने बैठकमा सहभागी छन्।

Originally published on abcnews.com.np.