काठमाडौं । रुकुम पश्चिमको सानीभेरी गाउँपालिका–८, एकान्तमा आइतबार (भदौ ७) बिहान एउटा माइक्रोबसले ठक्कर दिँदा आमा र छोरीको दुःखद मृत्यु भएको छ ।

२६ वर्षीया स्वस्तिका पौडेल र उनकी दुई वर्षीया छोरी सान्दिका ज्ञवाली आफू सवार गाडीबाट शौचालय जानका लागि ओर्लिएको समयमा विपरीत दिशाबाट आएको भे१ज १४८२ नम्बरको माइक्रोबसले ठक्कर दिएको प्रहरीले जनाएको छ ।

दुर्घटनामा गम्भीर घाइते भएका दुवैजनालाई तत्कालै उपचारका लागि जिल्ला अस्पताल सल्ले लगिएको थियो । अस्पतालमा उपचारको क्रममा उनीहरूको मृत्यु भएको प्रहरी प्रधान कार्यालयले जानकारी दिएको छ । यस घटनाले स्थानीयवासीमा दुःख छाएको छ ।

अनुसन्धान जारी

प्रहरीले घटनाबारे थप अनुसन्धान गरिरहेको र दुर्घटनाको कारण पत्ता लगाउन आवश्यक जाँचबुझ सुरु गरिएको बताएको छ । प्रहरीले सम्बन्धित चालकलाई नियन्त्रणमा लिएर आवश्यक कारबाही प्रक्रिया अघि बढाएको जानकारी दिएको छ।

Originally published on abcnews.com.np.