काठमाडौं । नेपालका लागि प्रोटोन गाडीको आधिकारिक वितरक जगदम्बा मोटर्स प्रालिले वीरगञ्जमा नयाँ आधिकारिक सोरुम सञ्चालनमा ल्याउँदै ‘द अल–न्यू प्रोटोन इ.मास ५’ सार्वजनिक गरेको छ। नयाँ सोरुम सञ्चालनसँगै नेपालभर प्रोटोनका आधिकारिक आउटलेटको संख्या ११ पुगेको कम्पनीले जनाएको छ।

नेपालमा प्रोटोन ब्रान्डको दोस्रो विद्युतीय सवारीका रूपमा इ.मास ५ सार्वजनिक गरिएको हो। सहरी जीवनशैली र दैनिक यात्रालाई थप सहज, स्मार्ट तथा आधुनिक बनाउने उद्देश्यले यो विद्युतीय गाडी बजारमा ल्याइएको कम्पनीको भनाइ छ।

प्रोटोनले आफ्नो बिक्री तथा सेवा सञ्जाल विस्तारलाई पनि निरन्तरता दिएको जनाएको छ। कम्पनीले दशैंअघि बिर्तामोडमा अर्को नयाँ सोरुम सञ्चालनमा ल्याउने तयारी गरेको छ। उक्त सोरुम सञ्चालनमा आएपछि देशभर प्रोटोनका आधिकारिक आउटलेटको संख्या १२ पुग्नेछ।

आधुनिक फिचरसहित इ.मास ५

प्रोटोन इ.मास ५ मा १४.६ इन्चको टचस्क्रिन इन्फोटेनमेन्ट सिस्टम, वायरलेस एप्पल कारप्ले तथा एन्ड्रोइड अटो जस्ता आधुनिक सुविधा उपलब्ध छन्।

त्यस्तै, गाडीमा ७० लिटर क्षमताको फ्रन्ट फ्रङ्क, ३७५ लिटरसम्म विस्तार गर्न सकिने पछाडिको लगेज स्पेस तथा ३२ वटा स्टोरेज कम्पार्टमेन्ट उपलब्ध रहेको कम्पनीले जनाएको छ। दैनिक प्रयोगदेखि लामो दूरीको यात्रासम्मलाई ध्यानमा राखेर गाडीको डिजाइन र उपयोगितामा जोड दिइएको बताइएको छ।

दुई भेरियन्टमा उपलब्ध, मूल्य ३२ लाख ९९ हजारदेखि

जगदम्बा मोटर्सका सिनियर जनरल म्यानेजर सुशील क्षेत्रीले आधुनिक प्रविधि, सुरक्षा, व्यावहारिक उपयोगिता र प्रतिस्पर्धी मूल्यका कारण इ.मास ५ ग्राहकको रोजाइमा पर्ने विश्वास व्यक्त गरेका छन्।

प्रोटोन इ.मास ५ प्राइम र प्रिमियम गरी दुई भेरियन्टमा उपलब्ध छ। वीरगञ्जमा आयोजित क्षेत्रीय सार्वजनिककरणका अवसरमा कम्पनीले प्राइम भेरियन्टको विशेष सुरुवाती मूल्य ३२ लाख ९९ हजार रुपैयाँ र प्रिमियम भेरियन्टको ३६ लाख ९९ हजार रुपैयाँ निर्धारण गरेको जनाएको छ।

ग्राहकहरूले वीरगञ्ज बाइपास रोडस्थित नयाँ प्रोटोन आधिकारिक सोरुममा पुगेर इ.मास ५ तथा इ.मास ७ को प्रत्यक्ष अवलोकन र टेस्ट ड्राइभ गर्न सक्नेछन्। सोरुममा गाडीका आधुनिक प्रविधि, स्मार्ट फिचर, डिजाइन तथा ड्राइभिङ अनुभवबारे विस्तृत जानकारीसमेत उपलब्ध हुने कम्पनीले जनाएको छ।

Originally published on abcnews.com.np.