काठमाडौं । राष्ट्रिय प्रजातन्त्र पार्टी (राप्रपा) संसदीय दलका नेता उद्धव थापालाई पदमुक्त गर्ने पत्र बाग्मती प्रदेशसभामा दर्ता भएको छ । राप्रपा अध्यक्ष राजेन्द्र लिङदेनले प्रदेश सभाका सभामुखलाई सम्बोधन गर्दै उक्त पत्र पठाएका हुन् ।

राप्रपा प्रवक्ता मोहन श्रेष्ठले लामो समयको पर्खाइपछि सो पत्र दर्ता भएको जानकारी दिएका छन् । उनका अनुसार, सम्मानित अदालतले भदौ १० गते अन्तरिम आदेशका लागि छलफलमा बोलाइसकेको छ, त्यसैले उक्त दिनसम्म मुख्यमन्त्रीले विश्वासको मत लिउन नमिल्नेछ ।

“यदि आज विश्वासको मत लिइएमा अदालतको अवहेलना हुन जानेछ भन्ने कुरा सभामुखलाई थाहा छ,” प्रवक्ता श्रेष्ठले भने ।

प्रवक्ता श्रेष्ठले मुख्यमन्त्रीले तत्काल विश्वासको मत नलिन आग्रह गरेका छन् । अदालतको छलफलपछि मात्रै विश्वासको मत लिने प्रक्रिया अघि बढाउन सुझाव दिएका हुन् । राप्रपाले थापालाई पदमुक्त गरेसँगै मुख्यमन्त्री नियुक्तिका लागि नयाँ दाबी प्रस्तुत गर्ने तयारी गरिरहेको छ ।

Originally published on abcnews.com.np.