काठमाडौं । आसन्न एसिया कप तथा आगामी वर्ष आयोजना हुने आईसीसी यू–१९ महिला विश्वकपका लागि नेपालको यू–१९ महिला राष्ट्रिय क्रिकेट टोलीको २८ सदस्यीय प्रारम्भिक टोली घोषणा गरिएको छ।

नेपाल क्रिकेट संघ (क्यान)ले मंगलबार सोनी पाख्रिनको कप्तानीमा पहिलो चरणको बन्द प्रशिक्षणका लागि खेलाडी छनोट गरेको हो। यही प्रारम्भिक टोलीबाट अन्तिम टोली चयन गरिने क्यानले जनाएको छ।

क्यानका सचिव पारस खड्काका अनुसार प्रारम्भिक क्याम्पमा कप्तान सोनी पाख्रिनसहित प्रथा श्रेष्ठ, रचना चौधरी, चन्द्रमाया बराल, कुसुम गोदार, रञ्जना साउद, ज्योत्सिका मरासिनी, तिर्सना विश्वकर्मा, रिया शर्मा, प्रिन्सा राना मगर, टीका साह, पूर्णिमा राजवंशी र अञ्जिला पाठक परेका छन्।

त्यस्तै, आशना चौधरी, सुप्रिया बुढा मगर, प्रतिमा साह, साक्षी यादव, आरती महतो, सावित्री धामी, मनीषा चौधरी, जयन्ती भण्डारी, आशिकाकुमारी महरा, अन्जु पार्की, सोनाम जोशी, अनु कडायत, मनीयाकुमारी उपाध्याय, साना प्रवीण र अलिसाकुमारी यादवले पनि बन्द प्रशिक्षणमा स्थान बनाएका छन्।

प्रारम्भिक टोलीमा समावेश केही खेलाडीले यसअघि नेपाली सिनियर महिला राष्ट्रिय क्रिकेट टोलीको समेत प्रतिनिधित्व गरिसकेका छन्।

प्रारम्भिक टोली

१. सोनी पाख्रिन (कप्तान)
२. प्रथा श्रेष्ठ
३. रचना चौधरी
४. चन्द्रमाया बराल
५. कुसुम गोदार
६. रञ्जना साउद
७. ज्योत्सिका मरासिनी
८. तिर्सना विश्वकर्मा
९. रिया शर्मा
१०. प्रिन्सा राना मगर
११. टीका साह
१२. पूर्णिमा राजवंशी
१३. अञ्जिला पाठक
१४. आशना चौधरी
१५. सुप्रिया बुढा मगर
१६. प्रतिमा साह
१७. साक्षी यादव
१८. आरती महतो
१९. सावित्री धामी
२०. मनीषा चौधरी
२१. जयन्ती भण्डारी
२२. आशिकाकुमारी महरा
२३. अन्जु पार्की
२४. सोनाम जोशी
२५. अनु कडायत
२६. मनीयाकुमारी उपाध्याय
२७. साना प्रवीण
२८. अलिसाकुमारी यादव

क्यानले पहिलो चरणको बन्द प्रशिक्षणपछि खेलाडीहरूको प्रदर्शनका आधारमा एसिया कप र आईसीसी यू–१९ महिला विश्वकपका लागि अन्तिम टोली घोषणा गर्ने जनाएको छ।

Originally published on abcnews.com.np.