काठमाडौं । सरकारले बाढी प्रभावित जिल्लामा तत्काल राहत तथा उद्धार कार्य सञ्चालन गर्न जिल्ला विपद् व्यवस्थापन समितिलाई आवश्यक रकम उपलब्ध गराउने निर्णय गरेको छ।
विपद् जोखिम न्यूनीकरण विज्ञ डा. धर्मराज उप्रेतीले सञ्चारकर्मीसँग कुरा गर्दै रसुवा र नुवाकोटलाई १–१ करोड रुपैयाँ तथा धादिङलाई ५० लाख रुपैयाँ राहत रकम उपलब्ध गराउने निर्णय भएको जानकारी दिए।
उनका अनुसार उक्त रकम जिल्ला विपद् व्यवस्थापन कोषमार्फत पठाउने प्रक्रिया अघि बढाइएको छ। रकम प्रभावित नागरिकको तत्काल उद्धार, राहत तथा आवश्यक व्यवस्थापनमा खर्च गरिनेछ।
डा. उप्रेतीले विपद्को अवस्था र आवश्यकताका आधारमा थप निर्णय मन्त्रिपरिषद्को बैठकबाट गरिने जानकारी दिए।
Originally published on abcnews.com.np.
प्रतिक्रिया दिनुहोस्