काठमाडौं । परराष्ट्रमन्त्री शिशिर खनाल र बेलायती विदेशमन्त्री एड मिलिब्यान्डबीच बिहीबार टेलिफोनमा कुराकानी भएको छ ।
“मैले आज बिहान नेपाली परराष्ट्रमन्त्री शिशिर खनालसँग कुरा गरेँ र घटेको विपत्तिप्रति बेलायतको ऐक्यबद्धता र गहिरो समवेदना व्यक्त गरेँ,” बेलायतका विदेशमन्त्री मिलिब्यान्डले सामाजिक सञ्जाल एक्समा लेखेका छन् ।
बाढी प्रभावित क्षेत्रमा रहेका बेलायती नागरिकको उद्धारमा नेपाल सरकारले गरेको प्रयासप्रति धन्यवाद दिएको उनले जनाएका छन् ।
“मैले विपद् प्रतिकार्यमा सहयोग गर्न वित्तीय, खोज तथा उद्धार र अन्य सहयोगको पनि प्रस्ताव गरेँ । मैले उहाँलाई भनेँ कि नेपाललाई आवश्यक परेको यो घडीमा सहयोग गर्न हामीले सक्दो सबै गर्नेछौँ,” बेलायती विदेशमन्त्री मिलिब्यान्डले भनेका छन् ।
Originally published on abcnews.com.np.
प्रतिक्रिया दिनुहोस्