काठमाडौं । रसुवा र नुवाकोटबाहेक देशभरका नेपाली तथा विदेशी नागरिक गरी एक हजार ४३३ जना भोटेकोसी बाढीपछि सम्पर्कविहीन भएका छन्।

राष्ट्रिय विपद् जोखिम न्यूनिकरण तथा व्यवस्थापन प्राधिकरणले बिहीबार दिउँसो २ बजेसम्म प्राप्त तथ्यांक सार्वजनिक गर्दै जानकारी दिए अनुसार, देशका सातै प्रदेशबाट सम्पर्कविहीन भएका नागरिकको विवरण प्राप्त भएको हो। रसुवा र नुवाकोट जिल्लाको छुट्टै तथ्यांक संकलन भइरहेको छ।

प्राधिकरणका अनुसार कोसी प्रदेशमा ८० जना, मधेस प्रदेशमा ३७ जना, बागमती प्रदेश (रसुवा/नुवाकोट बाहेक) मा ४२० जना र गण्डकी प्रदेशमा ८४ जना सम्पर्कविहीन भएका छन्। यस्तै लुम्बिनी प्रदेशमा १०५ जना, कर्णाली प्रदेशमा ११८ जना र सुदूरपश्चिम प्रदेशमा ७२ जना सम्पर्कविहीन रहेको बताइएको छ।

सम्पर्कविहीनमध्ये विदेशी नागरिकको संख्या

प्राधिकरणले दिएको जानकारी अनुसार सम्पर्कविहीन भएकामध्ये ५१७ जना विदेशी नागरिक रहेका छन्। उनीहरू जलविद्युत कम्पनीमा कार्यरत कर्मचारी, व्यवसायी र व्यापारी भएको बताइएको छ।

कोसी प्रदेशका सम्पर्कविहीन मध्ये ११ जिल्लाका व्यक्तिहरू पर्दछन्। प्राधिकरणले रसुवा र नुवाकोटको विस्तृत तथ्यांक प्राप्त भएपछि थप जानकारी सार्वजनिक गर्ने जनाएको छ।

Originally published on abcnews.com.np.