काठमाडौँ। भोटेकोशी बाढीबाट प्रभावित क्षेत्रमा भइरहेको खोजी, उद्धार तथा राहत कार्यबारे राष्ट्रिय स्वतन्त्र पार्टी (रास्वपा) का सभापति रवि लामिछानेले ‘ब्रिफिङ’ लिएका छन् ।

सभापति लामिछानेले बाढी प्रभावित नागरिकको उद्धार तथा राहतका लागि रास्वपाका विभिन्न तह र निकायबाट भइरहेका गतिविधिबारे जानकारी लिएका हुन् ।

पार्टीका प्रवक्ता जगदीश खरेलका अनुसार लामिछानेले विपद्का बेला थप प्रभावकारी ढंगले काम गर्न पार्टीका सम्पूर्ण तह तथा निकायलाई निर्देशन दिएका छन् ।

उनले प्रभावित नागरिकलाई तत्काल सहयोग पुर्‍याउने गरी पार्टीका उपलब्ध संयन्त्र, स्वयंसेवक तथा सम्बन्धित निकायबीच आवश्यक समन्वय गर्न पनि निर्देशन दिएको खरेलले बताए ।

भोटेकोशी क्षेत्रमा बाढीका कारण प्रभावित तथा जोखिममा रहेका नागरिकको खोजी, उद्धार र राहतलाई प्राथमिकतामा राख्दै पार्टीका सबै तहलाई सक्रिय रूपमा परिचालित हुन लामिछानेले आग्रह गरेका छन् ।

Originally published on abcnews.com.np.