काठमाडौं । नेपाल राष्ट्र बैंकले मंगलबारका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार अमेरिकी डलरसहित प्रमुख विदेशी मुद्राको भाउ घटेको छ।

आज अमेरिकी डलर, अस्ट्रेलियन डलर, युरो, पाउन्ड स्टर्लिङ, कुवेती दिनार र बहराइन दिनारलगायत अधिकांश प्रमुख विदेशी मुद्राको विनिमयदर घटेको हो।

डलर ३४ पैसा सस्तियो

मंगलबार एक अमेरिकी डलरको खरिददर १५१ रुपैयाँ ९७ पैसा र बिक्रीदर १५२ रुपैयाँ ५७ पैसा कायम भएको छ।

सोमबार डलरको खरिददर १५२ रुपैयाँ ३१ पैसा र बिक्रीदर १५२ रुपैयाँ ९१ पैसा थियो। यसअनुसार आज डलरको खरिद तथा बिक्रीदर ३४ पैसा घटेकोहो।

यद्यपि अमेरिकी डलरको मूल्य यसअघि ऐतिहासिक उच्च तहमा पुगिसकेको छ। गत जेठ ७ गते डलरको खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा पुगेको थियो। यो हालसम्मकै उच्च विनिमयदर हो।

युरो र पाउन्ड पनि घटे

आज एक युरोको खरिददर १७६ रुपैयाँ २९ पैसा र बिक्रीदर १७६ रुपैयाँ ९९ पैसा निर्धारण भएको छ। सोमबार खरिददर १७६ रुपैयाँ ४३ पैसा र बिक्रीदर १७७ रुपैयाँ १२ पैसा थियो।

त्यस्तै, एक पाउन्ड स्टर्लिङको खरिददर २०५ रुपैयाँ ८४ पैसा र बिक्रीदर २०६ रुपैयाँ ६६ पैसा कायम भएको छ। सोमबार पाउन्डको खरिददर २०६ रुपैयाँ १३ पैसा र बिक्रीदर २०६ रुपैयाँ ९४ पैसा थियो।

अस्ट्रेलियन डलर पनि ओरालो

मंगलबार एक अस्ट्रेलियन डलरको खरिददर १०८ रुपैयाँ ८४ पैसा र बिक्रीदर १०९ रुपैयाँ २७ पैसा छ।

सोमबार अस्ट्रेलियन डलरको खरिददर १०९ रुपैयाँ ०६ पैसा र बिक्रीदर १०९ रुपैयाँ ९७ पैसा थियो।

कुवेती दिनार १ रुपैयाँ ६० पैसा घट्यो

कुवेती दिनारको मूल्यमा पनि उल्लेख्य गिरावट आएको छ।

आज एक कुवेती दिनारको खरिददर ४९४ रुपैयाँ ७७ पैसा र बिक्रीदर ४९६ रुपैयाँ ७३ पैसा तोकिएको छ।

सोमबार खरिददर ४९६ रुपैयाँ ३७ पैसा र बिक्रीदर ४९८ रुपैयाँ ३२ पैसा थियो। यसअनुसार कुवेती दिनारको खरिद तथा बिक्रीदर १ रुपैयाँ ६० पैसा घटेको हो।

त्यस्तै, एक बहराइन दिनारको खरिददर ४०३ रुपैयाँ ०८ पैसा र बिक्रीदर ४०४ रुपैयाँ ६७ पैसा निर्धारण भएको छ। सोमबार यसको खरिददर ४०४ रुपैयाँ ०१ पैसा र बिक्रीदर ४०५ रुपैयाँ ६० पैसा थियो।

बैंकअनुसार दर फरक हुनसक्ने

नेपाल राष्ट्र बैंकले तोकेको विनिमयदर आवश्यकताअनुसार जुनसुकै समयमा संशोधन गर्न सकिने जनाएको छ।

वाणिज्य बैंकहरूले आफ्ना ग्राहकका लागि निर्धारण गर्ने वास्तविक विनिमयदर भने राष्ट्र बैंकले तोकेको दरभन्दा फरक हुनसक्नेछ।

आजका सबै विदेशी मुद्राको अद्यावधिक विनिमयदर नेपाल राष्ट्र बैंकको वेबसाइटमा उपलब्ध हुन्छ।

Originally published on abcnews.com.np.