काठमाडौं । काठमाडौं प्रवेश गर्ने मुख्य नाकाका रूपमा रहेको नौबिसे–नागढुंगा सडकखण्ड बुधबार बिहान भासिएको छ। सडक भासिएपछि उक्त सडकखण्डमा सवारी आवागमन प्रभावित भएको छ। सडकको अवस्था थप जोखिमपूर्ण हुन सक्ने भएकाले यातायात सञ्चालनमा समस्या देखिएको छ। यसअघि पृथ्वी राजमार्गअन्तर्गत धादिङको कृष्णभीरमा समेत सडक भासिएपछि सवारी आवागमन ठप्प भएको थियो। यता, रसुवाको भोटेकोसी हुँदै त्रिशूली नदीमा आएको बाढीको कटानका कारण धादिङस्थित पृथ्वी राजमार्गका विभिन्न स्थानमा सडक भासिने तथा क्षति हुने क्रम जारी छ। बाढीपहिरोका कारण मुख्य राजमार्गमा नै क्षति पुगेपछि काठमाडौं आवतजावत गर्ने यात्रुले थप सास्ती व्यहोर्नुपरेको छ।
Originally published on abcnews.com.np.
प्रतिक्रिया दिनुहोस्