काठमाडौं । प्रधानमन्त्री बालेन्द्र (बालेन) शाहले बाढीपीडितको राहत तथा उद्धारका लागि प्रधानमन्त्री दैवी उद्धार कोष र प्रधानमन्त्री राहत कोषमा गरी ७ अर्ब ८८ लाख ५७ हजार २१७ रुपैयाँ जम्मा भएको बताएका छन्।

बुधबार प्रतिनिधिसभा बैठकलाई सम्बोधन गर्दै प्रधानमन्त्री शाहले राहत कोषमा थप ६१ लाख ४१ हजार ७०२ अमेरिकी डलर समेत जम्मा भएको जानकारी दिए।

उनका अनुसार, संकलित रकममध्ये मंगलबार मात्रै राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई १ अर्ब रुपैयाँ निकासागरिएको छ। उक्त रकममध्ये ६ करोड ७५ लाख रुपैयाँ रसुवा, नुवाकोट, धादिङ, गोरखा र तनहुँका १५ वटा स्थानीय तहमा निकासा भइसकेको उनले बताए।

प्रधानमन्त्री शाहले प्रधानमन्त्री दैवी उद्धार कोष र प्रधानमन्त्री राहत कोषमार्फत बाढी तथा पहिरो प्रभावित नागरिकका लागि आर्थिक सहयोग जुटाउने काम भइरहेको बताए।

उनले विपद्बाट प्रभावित क्षेत्रमा राहत, उद्धार तथा पुनःस्थापनाका लागि उपलब्ध स्रोतलाई प्रभावकारी रूपमा परिचालन गरिने पनि बताए।

Originally published on abcnews.com.np.