काठमाडौं । नेकपाको संसदीय दलले रसुवाको भोटेकोसी नदीमा आएको बाढीबाट प्रभावितहरूको उद्धार, राहत तथा पुनःस्थापनाका लागि आफ्ना सांसद र स्वकीय सचिवहरूको १५ दिनको तलब योगदान गर्ने निर्णय गरेको छ। नेकपाका प्रमुख सचेतक युवराज दुलालले संघीय संसद्का महासचिवलाई पत्राचार गर्दै उक्त रकम कट्टा गरी प्रधानमन्त्री राहत कोषमा जम्मा गरिदिन अनुरोध गरेका छन्। भदौ १० गते भोटेकोसी नदीमा आएको अकल्पनीय बाढीका कारण ठूलो जनधनको क्षति भएको भन्दै नेकपाले दुःख व्यक्त गरेको छ। साथै, विपद्बाट प्रभावितहरूको उद्धार, राहत तथा पुनःस्थापनामा सहयोग पुर्याउने उद्देश्यले सांसद र स्वकीय सचिवहरूको तलब योगदान गर्ने निर्णय गरिएको जनाएको छ।
Originally published on abcnews.com.np.
प्रतिक्रिया दिनुहोस्