काठमाडौं । नेपाल राष्ट्र बैंकले सोमबारका लागि विदेशी मुद्राको विनिमयदर सार्वजनिक गरेको छ। आज अमेरिकी डलरसहित कुवेती र बहराइन दिनारको दर स्थिर रहँदा अस्ट्रेलियन डलर केही महँगिएको छ। युरो र पाउन्ड स्ट्रलिङको विनिमयदर भने घटेको छ।

राष्ट्र बैंकका अनुसार अमेरिकी डलर १ को खरिददर १५० रुपैयाँ ८८ पैसा र बिक्रीदर १५१ रुपैयाँ ४८ पैसा कायम छ। यो दर लगातार तीन दिनदेखि स्थिर छ।

युरो १ को खरिददर १७५ रुपैयाँ २२ पैसा र बिक्रीदर १७५ रुपैयाँ ९२ पैसा छ। आइतबारको तुलनामा युरोको खरिददर ७ पैसा र बिक्रीदर पनि ७ पैसा घटेको हो।

पाउन्ड स्ट्रलिङ १ को खरिददर २०४ रुपैयाँ ०३ पैसा र बिक्रीदर २०४ रुपैयाँ ८४ पैसा निर्धारण गरिएको छ।

त्यस्तै, अस्ट्रेलियन डलर १ को खरिददर १०८ रुपैयाँ ६७ पैसा र बिक्रीदर १०९ रुपैयाँ १० पैसा पुगेको छ। अघिल्लो दिनको तुलनामा दुवै दर ४ पैसा बढेको हो।

कुवेती दिनार १ को खरिददर ४९१ रुपैयाँ ४७ पैसा र बिक्रीदर ४९३ रुपैयाँ ४२ पैसा तथा बहराइन दिनार १ को खरिददर ४०० रुपैयाँ १९ पैसा र बिक्रीदर ४०१ रुपैयाँ ७८ पैसा कायम छ। दुवै मुद्राको दर लगातार तीन दिनदेखि स्थिर छ।

राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। वाणिज्य बैंकहरूले निर्धारण गर्ने विनिमयदर भने फरक हुनसक्ने राष्ट्र बैंकले स्पष्ट पारेको छ।

Originally published on abcnews.com.np.