काठमाडौं, २० वैशाख । विश्व ट्रेड युनियन महासंघले श्रम कानुनमा श्रमिकहरुका हक अधिकार संकुचित बनाउने नीति अन्त्य गर्नुपर्ने जनाएको छ ।

बिहीबार काठमाडौमा बसेको महासंघको बैठकले १४ बुदे काठमाडौ घोषणा पत्र जारी गर्र्दै श्रमिक बर्गको राजनीतिक अधिकार, ट्रेड युनियन अधिकार सुनिश्चित हुने गरि संबिधान र श्रम कानुनमा सुधार गर्न सुझाव दिएको छ । त्यस्तै उत्पादन क्षेत्रमा लगानी बृद्धि गर्दे रोजगारी बृद्धि गर्नुपर्ने , श्रमिक सम्बन्धी आएलओ अभिसन्धी अनुमोदन गर्नुपर्ने, शिक्षा, स्वास्थ्य, आवास, खाद्यान्न, खानेपानी र सुविधामा भईरहेको व्यापारिकरण र निजीकरण बन्द गर्नुपर्ने घोषणापत्रमा उल्लेख छ ।

त्यस्तै जीवन निर्वाह गर्न पुग्ने पारिश्रमिक र सामाजिक सुरक्षाको प्रत्याभूति गर्नुपर्ने, करार सेवा जस्ता नीतिका माध्यमबाट श्रमिक वर्गको सेवा ट्रेड युनियन अधिकारलाई कुण्ठित गर्ने नीतिको अन्त्य गर्नुपर्ने पनि घोषणा पत्रमा उल्लेख गरिएको विश्व टे«ड युनियन महासंघका अध्यक्ष माईक माकवेईबाले बताउनुभयो । उहाँले श्रमिकहरुको सामाजिक सुरक्षा अहिलको चूनौति भएको भन्दै यसमा गम्भीर हुुनुपर्ने बेला आएको धारणा राख्नुभयो ।

त्यस्तै, काठमाडौं घोषणा पत्र सार्वजनिक कार्यक्रममा एमाल नेता माधव कुमार नेपालले श्रमिकको चिन्ता र चासो तथा पटक पटक भएका आन्दोलनको मुल मर्मलाई बिश्वभरका सरकारले सम्बोधन गर्नुपर्ने बताउनुभयो ।

विश्व ट्रेड युनियन महासंघको काठमाडौ घोषणा पत्रमा श्रमजीवि वर्गले विभिन्न देशमा संचालन गरको आन्दोलनप्रति एकवद्धता समेत जनाएको छ ।