काठमाडौं, २८ असार । काठमाडौंको आकासमा झण्डै एक घन्टा फनफनी घुमेपछि शिक्षामन्त्री गिरिराजमणि पोखरेल सवार विमान अवतरण भएको छ ।
धावनमार्गमा चिरा परेपछि त्रिभुवन अन्तर्राष्ट्रिय विमानस्थलको उडान तथा अवतरण अवरुद्ध भएको हो ।
धावनमार्गको दक्षिणी भागमा चिरा परेको विमानस्थलका प्रवक्ता प्रेमनाथ ठाकुरले जानकारी दिए । करिब ४५ मिनेट राष्ट्रिय तथा अन्तर्राष्ट्रिय उडान तथा अवतरण नभएको उनको दाबी छ ।
शिक्षामन्त्री पोखरेल नेपालगञ्जबाट ३ बजेको फ्लाइटमा काठमाडौं उडेका थिए । विमान भरतपुरको आकासमा आएपछि धावनमार्गमा क्राक देखिएका कारण उडान तथा अवतरण रोकिएको खबर गरिएको थियो।
प्रतिक्रिया दिनुहोस्