डोल्पा,३२ असार । डोल्पामा एक बृद्धको भिरबाट लडेर मृत्यु भएको छ । कैलाली जिल्ला बर्दिया नगरपालिका –३ घर भएर डोल्पा त्रिपुरासुन्दरी नगरपालिका–८ मा बसेर मादलको व्यापार व्यावसाय गर्दै आएका ५५ वषीय प्रेम बादीको लडेर मृत्यु भएको प्रहरी चौकी त्रिपुराकोटले जनाएको छ ।

बिहान खाना खाएर मादल मोड्न पहाडा गाउँतीर गएका प्रेम बादी साझ सम्म नफर्केपछि ०७५ असार ३१ गते साँझ ८ बजे तीर खोज्दै जाँदा त्रिपुरासुन्दरी नगरपालिका–८ मा पर्ने कामीवाडा नजिकै पाल्च खोला नजिक मृत अवस्थामा भेटिएको एकै डेरामा बस्दै आएका हरि बादीले बताए ।

प्रहरी चौकी त्रिपुराकोटका प्रहरी चौकी इन्चार्ज रोमहर्ष सिजवालले स्थानीयबासिन्दा र संगैबस्दै आएका साथीहरुले लडेर मृत्यु भएको बताएपनि घाउचोट केहि नदेखिएकाले पोष्टमार्टमको लागि जिल्ला अस्पताल दुनैमा पठाइएको र मृतकका आफन्त कोही नभएको पनि सिजवालले बताए