काठमाडौं ,३० साउन । श्रम, रोजगार तथा सामाजीक सुरक्षा मन्त्री गोकर्ण विष्टले मलेसिया सरकार नेपालसँग श्रम सम्झौता अत्यन्तै सकारात्मक रुपमा अगाडि बढेको बताउनुभएको छ ।

सिंहदरबारमा बुधबार बसेको आपुर्ति तथा वाणिज्य र श्रम तथा उपभोक्ता समितिको बैठकमा मन्त्री बिष्टले मलेसियासँग श्रम सम्झौता गर्ने गरी औपचारिक र अनौपचारिक रुपमा छलफल भईरहेको भन्दै मलेसिया मामिला छिट्टै हल हुने सम्भावना बढेको जानकारी दिनुभयो ।

मन्त्रीले विष्टले मलेसिया सरकारको पछिल्ला कदमहरु स्वागत योग्य रहेको धारणा राख्नुभयो । श्रम मन्त्रालयले मलेसिया जाने कामदारमाथि गैरकानुनी संयन्त्र बनाएर शोषण गरेको भन्दै जेठ २ गतेदेखि मलेसियामा कामदार पठाउन बन्द गरेको थियो ।

मन्त्री विष्टले प्रधानमन्त्री रोजगार कार्यक्रमले चालु आर्थिक वर्षमा कम्तीमा एक लाख व्यक्तिलाई रोजगार सिर्जना गर्न नयाँ कार्यक्रम ल्याउन लागेको धारणा पनि राख्नुभयो । मन्त्री विष्टले अबको दुई महिनाभित्र सामाजिक सुरक्षा कार्यक्रम लागू भईसक्ने भन्दै स्वदेशमै रोजगारको वृद्धि गर्दै नेपालको श्रमशक्तिलाई विकास र समृद्धिका लागि प्रयोग गरिने सरकारको लक्ष्य रहेको बताउनुभयो ।

बैठकमा सांसद विन्दा पाण्डेले वैदेशीक रोजगारमा जाने कामदारको हितको पक्षमा सरकारले आफ्नो अडान राखेको बिषय सही भएको बताउनुभयो । सांसद देवेन्द्र पौडेलले वैदेशिक रोजगारीमा गएका कामदारलाई फर्काउनका लागि सरकारले दीर्घकालिन योजना पेश गर्नुपर्नेमा जोड दिनुभयो । त्यस्तै समिति अन्य समिति सदस्इहरुलेश्रम क्षेत्रलाई अझ ब्यबस्थीत गर्न सरकारले कार्ययोजना ल्याउनुपर्नेमा जोड दिएका थिए ।