चितवन, २० भाद्र । भरतपुर महानगरपालिकाले जैविक कृषि उत्पादनलाई अभियानको रुपमा अगाडि बढाउने भएकोे छ । भरतपुरलाई कृषि क्षेत्रमा आत्मनिर्भर बनाउदै जैविक कृषि उत्पादनलाई प्रथामिकता दिने भरतपुर महानगर पालिकाले तयारी गरेको हो ।
भरतपुर महानगरपालिका वडा न १४ र नेपाल जनस्वास्थ्य प्रतिष्ठान परियोजनाले आयोजना गरेको समृद्धि आईपीएम कृषक पाठशाला तालिमको समापन कार्यक्रममा महानगर प्रमुख रेनु दाहालले कृषिमा जैविक विधी अपनाएर स्वच्छ र गुणस्तरीय उत्पादन गर्न किसानहरूलाई आग्रह समेत गरिन ।
‘रासायनिक मल र मानव स्वास्थ्यलाई हानी पु¥याउने विषादीको प्रयोगमा रोक लगाउन भरतपुर महानगरपालिका विषादी प्रयोग नियन्त्रण ऐन निर्माणको चरणमा रहेको छ’ उनले भनिन्न – ऐन कार्यान्वयनमा आएपछि मानव स्वास्थ्यलाई हानी पु¥याउने विषादीको प्रयोगमा रोक लाग्ने छ ।
स्वस्थ र गुणस्तरीय उत्पादनले मात्र स्वस्थ नागरिक, स्वस्थ समाज निर्माण हुन सक्ने बताउँदै त्यस्तो जनशक्तिले राष्ट्रको आवस्यकता परिपूर्ति गर्ने बताउँदै उनले विषादीको प्रयोग गरेर जनस्वास्थ्यमाथि खेलवाड गर्ने छुट कोही कसैलाई नभएको समेत दाहालले बताईन ।
प्रमुख अतिथी प्रमुख दाहालले भरतपुर महानगरपालिकाले जैविक सुरक्षा, माटो परीक्षण र गुणस्तर वृद्धि, जैविक उत्पादन वृद्धिका साथै कृषिमा यान्त्रीकीकरण गर्दै गुणात्मक उत्पादकत्व वृद्धिमा विशेष कार्यक्रमहरू अगाडि बढाएको समेत जानकारी गराईन ।

२२ हप्ता सम्म चलेको (आईपीएम )कृषक पाठशालामा किसानहरुले जैविक उत्पादन पद्धतिको बारेमा ज्ञान सीप हासिल हासिल गरेका थिए । प्रशिक्षक रमा ढुड्गानाले कृषकहरूलाई कसरी जैविक विधी अपनाएर फलफूल तरकारी तथा खाद्यान्न बाली उत्पादन गर्न सकिन्छ भन्ने विषयमा तालिम दिएको जनकारी दिइन। तालिममा किसानलाई घरेलु विषादीको उत्पादन र प्रयोग, मित्र र सत्रु कीराहरूको पहिचान प्राङ्गारिक मलको उत्पादन र प्रयोग रासायनिक मलको प्रयोगको अन्त्य, माटो परीक्षण र माटो संरक्षणसम्बन्धी सम्पूर्ण जानकारी दिइएको थियो ।
प्रशिक्षार्थी भरत पोडेलले तालिम अवधीभर जैविक विधिसम्बन्धी महत्वपूर्ण ज्ञान र सीप हासिल गरेको बताए । । कार्यक्रममा भरतपुर महानगरपालिका सामाजिक महाशाखा प्रमुख सिर्जना थपलियाले बिषादीको रोकथाम र जैविक पद्धतिको अवलम्बन गर्न समृद्धि आईपीएम पाठयाला सफल हुने बिश्वास व्यक्त गरे। वडाअध्यक्ष ओमप्रकाश पोखरेलको अध्यक्षतामा कार्यक्रम सम्पन्न भएको थियो ।