काठमाडौं,६ असोज । काठमाडौं मेडिकल शिक्षण अस्पतालमा उपचार गर्न गएका विरामीको चरम लापरबाही भएको छ । उपचार गर्न गएका बिरामीको टिकट र रिर्पोटमा फरक विवरण पाएपछि सो कुराको खुलासा भएको हो ।

रजिता खड्का (बिरामी)को नाम, उमेर, लिङ्ग र इसिजी रिर्पोटमा नाम उमेर लिङ्ग लगायतका विवरण फरक भएपछि मेसिनको दोष दिंदै अस्पताल प्रशासन आफ्नो लापरबाहीवाट पन्छिन खोजेको बताइएको छ । विहीबार उपचार गर्न गएकी रजिता खड्का बिरामीको टिकट र इसिजी रिर्पोटमा फरक विवरण देखिएको थियो ।

ब्लड रिर्पोट आइसकेको विरामीलाई पुनः जांचको लागि भन्दै अस्पतालका कर्मचारीले ब्लड निकालेर पछि हैन रछ भन्दै डस्बिनमा फाल्ने जस्ता लापरबाही समेत अस्पतालमा हुने गरेको पाइएको छ ।

अस्पतालमा विरामीमाथि लापरबाही हुने गरेको यहां उपचार गर्न आउने बिरामीहरुको भनाइ छ । मानव स्वास्थ्य जस्तो संवेदनशील विषयमा अस्पताल गम्भीर बन्नुपर्ने उनीहरुको भनाई छ ।

चार नम्वरमा रहेका बिरामीको ठाउंमा पाँच नम्वरका विरामीको उपचार हुने जस्तो लापरवाही अस्पतालमा हुने गरेको बिरामी बताउछन् । अस्पतालको लापरबाहीबारे प्रश्न राख्दा कहीलेकांही गल्ती हुनसक्छ भन्ने जवाफ अस्पतालले दिने गरेको पाइएको छ ।

आकस्मिक कक्षमा रहेका बिरामीको दिउँसो २ बजे आएको रिर्पोट बेलुका ७ बजेसम्म नहेरिनु, हेरीहाले पनि डाक्टरले आधा औषधी लेखीदिएर पन्छिने गरेको बिरामीहरुले आरोप लगाएका छन् ।