काठमाडौं, ३१ असोज । पूर्वमन्त्री तथा सांसद् ह्देयश त्रिपाठीले सरकारसँग पर्याप्त समय र संसदमा आफु अनुकुल संख्या भएकाले जनसरोकारका पक्ष्ँमा गम्भीर भएर काम गर्नुपर्ने बताउनुभएको छ ।

एबीसी न्यूजसँगको विशेष कुराकानीमा सांसद् त्रिपाठीले अहिलेको सरकारसँग स्पष्ट बहुमत भएकाले कुनै पनि पनि बहानामा जनपक्षीय काम नगर्ने छुट नभएको बताउनुभयो । त्रिपाठीले नियमित जनसरोकारका विषयमा गम्भीर भएर जनतालाई प्रभाव पर्ने गरि काम गर्नुपर्ने समय आएको जिकिर गर्नुभयो ।

उहा“ले अहिले पनि संघीयता नचाहने पक्ष्ँ भएको भन्दै असफल बनाउने प्रयास गरेपनि मुलुक पछि हट्न नसक्ने स्पष्ट पार्नुभयो । अहिले स्थापित भएका दलहरु मध्ये कसैले पनि संघीयताका विरुद्धमा प्रस्ताव राख्ने हिम्मत गर्न नसकेपछि कम्जोर पार्ने षड्यन्त्र भने गरिनै रहेको खुलासा गर्नुभयो । उहांले संविधानलाई सबैको स्वीकार्यता दिन आवश्यक पर्ने सबै विधेयकहरु तयार गरी छिट्टै व्यवहारतः प्रयोगमा ल्याउन सरकार ध्यान दिनुपर्ने बताउनुभयो ।

सांसद त्रिपाठीले नेपाल कम्युनिष्ट पार्टी नेकपा तराई–मधेशमा आफ्नो प्रभाव जमाउन चुकेको विश्लेषण गर्नुभयो । धेरै मतदाता भएको तराई–मधेश क्षेत्रमा नेकपाले प्रभाव जमाउन नसकेकै कारण कांग्रेस समर्थक बाहेकका नागरिक क्ष्ँेत्रीयतावादी समूह र दलमा आवद्ध हुन बाध्य भएको जिकिर गर्नुभयो ।

त्रिपाठीले सरकारको निरिहताकै कारण आम उपभोक्ताले महंगीको सामना गर्नुपरेको भन्दै चिन्ता व्यक्त गर्नुभयो । उहाँले बास्तविक किसानले उत्पादन गरेको कृषिजन्य वस्तुको आधारभूत समर्थन मुल्य निर्धारण गरेमा मात्र उनीहरुको पेशाप्रति सम्मान हुने तर्क गर्नुभयो ।

प्रधानमन्त्री केपी ओलीले ल्याएको समृद्ध नेपालको लक्ष्य प्राप्त गर्न अहिलेकै गतिमा सम्भव नहुने भन्दै नेता त्रिपाठीले विकास बजेटलाई समयमै खर्च गर्नुपर्ने सुझाव दिनुभयो । उहाँले अहिलेको बजेटले जनताको सरकारप्रतिको दृष्टिकोणमा रहेको निरासापनलाई हटाउन नसकेको टिप्पणी गर्नुभयो ।