जापान, ९ कात्तिक ।  नेपाली काँग्रेसका केन्द्रीय सदस्य प्रदिप पौडेलले वर्तमान सरकारले जनतालाई दुई तिहाईको सरकार छ भन्ने आभाष दिलाउन नसकेको दावि गर्नु भएको छ ।

नेपाल पत्रकार महासंघ-जापान शाखाले बिहीबार टोकियोमा आयोजना गरेको पत्रकार भेटघाट कार्यक्रममा बोल्दै नेता पौडेलले चुनावमा भनिएको दाविहरु सरकार गठन भएको आठ महिना भईसक्दा पनि काम र योजना विहिन बनेको आरोप लगाउनु भयो ।

उहॉले अहिलेको सरकारले काम होइन, कुराहरू मात्रै ठूलो गरेको आरोप लगाउँदै राम्रा काम गर्नका लागि नेपाली काँग्रेसले सरकारलाई बाधा-अवरोध नगरेको दावी गर्नुभयो। “हामीले ज़िम्मेवार प्रतिपक्ष भएर नराम्रा काम र दुई तिहाईको नाममा मनपरी नगर्न सरकारलाई खबरदारी मात्र गरिरहेका छौं”, पौडेललले भने,”काँग्रेसमा पनि आन्तरिक सुधारको आवश्यकता देखिएको छ र हामी त्यसलाई सच्याउँदै जाने क्रममा छौं ।” जापान भ्रमणमा रहेका पौडेलले जापानको शासन विधि, प्रविंधि र समृद्धिको आधार बुझ्न सकियो भने नेपालमा पनि धेरै विकास गर्न सकिने विश्वास व्यक्त गरनुभयो।

नेता पौडेलले “नेपाललाई समृद्ध बनाउने हो भने युवा अनि दक्ष जनशक्तिहरूलाई पलायन हुनबाट रोक्न सक्नुपर्दछ”, समृद्ध र विकसित राष्ट्रको आधुनिकीकरण गर्ने पनि मान्छे नै हुन, त्यसैले हामी नेपालीले गर्न नसक्ने भन्ने केही छैन् ।” उहॉले सबै राजनीतिक दलहरूको परराष्ट्र नीति एकै हुनुपर्नेमा जोड दिदै सबै देशलाई हेर्ने दृष्टिकोण सबै राजनीतिक दलको एकै भएमा मात्रै नेपालको आफ्नै पहिचान स्थापित गर्न सकिने भन्दै नेपालमा जापानको विकास, प्रविधि र जापानी पर्यटक भित्र्याउन सके नेपालको विकास र समृद्धिमा टेवा पुग्ने उल्लेख गर्नुभयो ।

जापानवासी नेपाली र सरकारीस्तर दूतावासबाट जति प्रभावकारी भूमिका निर्वाह गर्नुपर्ने थियो,त्यो नभएको जस्तो देखिएकाले नेपाली दूतावासबाट जापानको विकास ,कूटनीतिक सम्बन्ध सुधार गरेर जानु पर्ने देखिएकोमा जोड़ दिनुभयो !