महोत्तरी, २७ कात्तिक । उपनिर्वाचन नजिकिदै गर्दा महोत्तरीको पिपरा गाउँपालिकामा चुनावी रौनकता ह्वात्तै बढेको छ । पिपरा गाउँपालिका अध्यक्ष विनोद चौधरीको मृत्यु भएपछि पिपरा गाउँपालिकामा अध्यक्ष पदको लागि उपनिर्वाचन हुने भएको हो । निर्वाचन आयोगले आगामी मंसिर १४ मा निर्वाचनमा उम्मेदवारको मनोनयनपछि चुनावी माहोल बाक्लिएको हो ।

महोत्तरीको पिपरा गाउ“पालिका अध्यक्ष पदको लागि मंसिर १४ मा उपनिर्वाचन हुदैछ । उपनिर्वाचनका लागि उम्मेदवारी टुंगिएछि दलहरु आफ्नो पक्षमा मत बटुल्न व्यस्त छन् उपनिर्वाचनमा नेपाल कम्यूनिष्ट पार्टी नेकपाले विक्रम चौधरीलाई अघि सारेको छ । त्यसैगरि नेपाली कांग्रेसले विजयकुमार यादव, राजपा नेपाल र समाजवादी पार्टीले निवर्तमान अध्यक्ष विनोद चौधरीको श्रीमती रविता चौधरीलाई साझा उम्मेदवारको रुपमा अघि सारेका छन् । प्रस्तावित उम्मेदवारको नाम फेरबदल भएन भने, चुनावी भीडन्तका पात्र यीनै हुनेछन् । २०७४ को स्थानीय निर्वाचनमा विक्रम चौधरी झिनो मत अन्तरले पराजित भएका थिए। एमाले र माओवादी केन्द्रको एकिकरण पनि भैसकेकोले उप निर्वाचन जित्नेमा विक्रम चौधरी ढुक्क देखिन्छन् ।

२ वर्षपहिले भएको स्थानीय तहको निर्वाचनमा राजपा नेपालको तर्फबाट उम्मेदवार रहेका विनोद कुमार चौधरीले २७ सय ७५ मत ल्याएका थिए । तत्कालिन एमालेको तर्फबाट उम्मेदवार रहेका विक्रम चौधरीले १८ सय ७३ र माओवादीको तर्फबाट राम जानकी यादवले १५ सय ७८ मत ल्याएका थिए । का“ग्रेसको तर्फबाट उम्मेदवार रहेका राधा रमण मिश्रले १४ सय ६८ मत ल्याएका थिए । तत्कालीन संघीय समाजवादी फोरमको तर्फबाट वृजेन्द्र मिश्रले ६ सय ९३ मत ल्याएका थिए । अबको यस उपनिर्वाचनमा राजपा र समाजवादी पार्टी साझा उम्मेदवार बनाएर निर्वाचनमा भाग लिएका छन् । तत्कालीन निर्वाचनमा एमाले र माओवादी एक भएको अवस्थामा मत मजबुत भएको मान्न सकिन्छ ।

पिपरामा गाउँपालिकाको अध्यक्षको उपनिर्वाचनको लागि कार्तिक २७ गते मनोनयन दर्ता हु“दैछ ।मंसिर १४ गते हुने उपनिर्वाचनमा महोत्तरीको तीन बेग्लाबेग्लै नगरपालिकामा उपनिर्वाचन हुने महोत्तरीका मुख्य निर्वाचन अधिकृत बिष्णु सुवेदिलेले बताए । उनले अगामी मंसिर १४ गते हुने उपनिर्वाचनको तयारीमा रहेको बताए । महोत्तरीको पिपरामा पनि उपनिर्वाचन हुदैछ, विगतका नतिजा विश्लेषण गर्दा सत्तारुढ नेकपा, अन्य दल भन्दा धेरै अगाडि छ । २ वर्ष अघिको मतदाता मनोविज्ञानमा फेरबदल खासै भएन भने नेकपाले नै बाजी मार्न सक्छ, यद्यपी यसको सहि नतिजा थाहा पाउन भने मंसिर १४ कुर्नै पर्ला ।