बुटवल, ८ पौष ।
बुटवल उद्योग बाणिज्य संघको २० औ संस्करणको औद्योगिक ब्यापार मेलाको तयारी पुरा भएको संघले जनाएको छ ।
मेलाको पुर्वसंध्यामा आज बुटवलमा मोटरसाईकल ¥यालीको आयोजना गरिएकोे छ । ¥यालीको बुटवल उपमहानगरपालिकाका प्रमुख शिवराज सुबेदीले उदघाटन गर्नुभएको थियो । ¥यालीको उदघाटन कार्यक्रममा बोल्दै प्रमुख सुबेदीले मेलामा धेरैभन्दा धेरै उपभोक्तालाई सहभागि हुन आह्वान गर्नुभयो । मेयर सुवेदीले मुलुकको अर्थतन्त्र सुधारकालागि नीजि क्षेत्रको योगदान उल्लेखनीय रहेको बताउनुभयो । उहांले बुटवल उद्योग बाणिज्य संघले सञ्चालन गर्न लागेको मेलाले यस क्षेत्रको अर्थतन्त्रलाई समेत चलायमान गराउने भएकाले मेलाको गरिमा कायम राख्नेगरी सञ्चालन गर्न समेत आग्रह गर्नुभयो ।
लगानी लुम्बिनीमा समृद्दि नेपालमा भन्ने मुल नाराका साथ सुरुभएको मेलामा ५ सय स्टल रहने र १३ करोडको काराबोर हुने आयोजक बुटवल उद्योग बाणिज्यसंघले जनाएको छ । संघका अनुसार बुधबार संघीय सरकारका उपप्रधान तथा रक्षा मन्त्री ईश्वर पोखरेलले उदघाटन गर्नुहुने छ । त्यस्तैगरी मेलाको उद्घाटन कार्यक्रममा पूर्वमन्त्री तथा नेपाली काँग्रेसका प्रमुख सचेतक बालकृष्ण खाँण, प्रदेश पाँचका उद्योग पर्यटन बन तथा बातावरण मन्त्री लिला गिरी, प्रदेश सभा सदस्यहरु, नेपाल उद्योग बाणिज्य महासंघकी अध्यक्ष भवानी राणा तथा पदाधिकारीहरु, समेत सहभागि हुने कार्यसम्पादन उपसमितिका उपसंयोजक हरिप्रसाद अर्यालले जानकारी दिनुभयो ।मेलाको तयारीका बिषयमा एबिसी न्युजसंग कुरा गर्दै संघका अध्यक्ष खिम बहादुर हमालले मनोरन्जनका साथै नेपालका गुणस्तरिय उत्पादनहरुका बिषयमा जानकारी लिने पाउने बताउनुभयो । आयोजकले ८ लाख दर्शकले मेलाको अवलोकन गर्ने र १३ करोडको कारोबार हुने आयोजक बुटवल उद्योग बाणिज्य संघले अपेक्षा गरेको छ ।