काठमाडौं, २२ चैत । प्रधानमन्त्री केपी शर्मा ओलीले बहराइनका प्रधानमन्त्रीसँग टेलिफोनमा कुराकानी गर्नुभएको छ । शनिबार प्रधानमन्त्री ओलीले बहराइनका समकक्षी खलिफा विन सलमान अल खलिफासँग टेलिफोनमा कुराकानी गर्नुभएको हो ।

टेलिफोनामा कोरोना भाइरस फैलिइरहेका बेला बहराइनमा रहेका नेपाली श्रमिकहरूको सुरक्षाका बारे कुराकानी भएको प्रधानमन्त्री ओलीले आफ्नो आधिकारी फेसवुक पेज र ट्वीटरबाट जानकारी दिनुभएको छ ।

(कोभिड–१९) का सन्दर्भमा नेपाली श्रमिकहरुको उल्लेख्य संख्या रहेको मुलुकका सरकार प्रमुखसँग कुराकानी गर्ने क्रममा आज बहाराइनका प्रधानमंत्रीसँग फोन संवाद गरे,, उहाँले लेख्नुभएको छ त्यहाँ रहेका नेपालीहरूको सुरक्षाप्रति चासो राख्दै बहाराइनबाट प्राप्त सहयोगका लागि धन्यवाद ज्ञापन गरे। प्रधानमन्त्री ओलीले अन्य मुलुकका सरकार प्रमुखहरूसँग पनि नेपाली कामदारको अवस्थाबारे कुराकानी गर्ने बताउनुभएको छ ।