काठमाडौं, २७ चैत । विश्वभर फैलिएको कोरोना भाइरस (कोभिड–१९)बाट मृत्यु हुनेको संख्या करिव १ लाख पुगेको छ ।

यो समाचार तयार गर्दा सम्म ९१ हजार ७ सय जनाको मृत्यु भएको छ । १५ लाख ४२ हजार ६ सय ३० पुगेको भने ३ लाख ४२ हजार ३ सय ७३ जना उपचार पछि घर फिर्ता भएका छन् । चिनको उहानबाट सुरु भएको कोरोना भाइरस युरोपका देशहरुमा तिव्रगतिमा संक्रमण फैलिएको छ ।

अमेरिकामामात्र मृत्यु हुनेको संख्या १४ हजार ९ सय ९ पुगेको छ ।संक्रमितको संख्या ४ लाख ३६ हजार ९ सय ६९ पुगेको छ भने २४ हजार ३ सय ९१ जना निको भएका छन । चीनको वुहानबाट फैलिएको कोरोना भाइरसको कारण सबैभन्दा प्रभावित बनेको मुलुक अमेरिकामा पछिल्लो केही दिनयता नयाँ संक्रमित र मृतकको संख्या पनि तीव्र गतिमा बढेको छ । यस्तै स्पेनमा १ लाख ५२ हजार ४४६ जना संक्रमित छन भने १५ हजार २३८ जनाको मृत्यु भएको छ । ५२ हजार १ सय ६५ जना निको भएका छन् ।