काठमाडौं, ५ बैशाख  । सार्क क्षेत्रमा कोरोनाबाट सबैभन्दा बढी प्रभावित भारतमा २४ घण्टामा १ हजार भन्दाबढी मानिस संक्रमित भएका छन् भने २६ जनाको मृत्यु भएको छ। योसँगै भारतमा संक्रमितको संख्या १३ हजार ४ सय ३० पुगेको छ भने ४ सय ४८ जनाको मृत्यु भएको छ। १ हजार ७ सय ६८ जना निको भएर घर फर्किसकेका छन्।

पाकिस्तान– 
पाकिस्तानमा संक्रमितको संख्या ६ हजार ९ सय १९ पुगेको छ भने १ सय २८ जनाको मृत्यु भएको छ। १ हजार ६ सय ४५ जना निको भएर घर फर्किसकेका छन्। पाकिस्तानमा एकै दिनमा १७ जनाको मृत्यु भएको छ भने ५ सयभन्दा बढी मानिस संक्रमित भएका छन्।

अफगानिस्तान–

अफगानिस्तानमा संक्रमितको संख्या ८ सय ४० पुगेको छ। ३० जनाको मृत्यु भएको छ। ४ जना निको भएर घर फर्किसकेका छन्। अफगानिस्तानमा एकै दिनमा ५ जनाको मृत्यु भएको छ भने ५६ जना संक्रमित भएका छन्।

बंगलादेश–

बंगलादेशमा १ हजार ५ सय ७२ संक्रमित भएका छन्। ६० जनाको मृत्यु भएको छ। ४९ जना निको भएर घर फर्किसकेका छन्। बंगलादेशमा एकै दिनमा १० जनाको मृत्यु भएको छ भने ३ सय भन्दाबढी मानिस संक्रमित भएका छन्।

श्रीलंका–

श्रीलंकामा २ सय ३८ जना संक्रमित रहेका छन्। ७ जनाको मृत्यु भएको छ। ६८ जना मानिस निको भएर घर फर्किसकेका छन्।

माल्दिभ्स–

माल्दिभ्समा संक्रमितको संख्या २५ पुगेको छ। निको भएर घर फर्किनेको संख्या १६ पुगेको छ।

भुटान–
भुटानमा ५ जना संक्रमित भएका छन्। २ जना निको भएर घर फर्किसकेका छन्।

नेपाल

नेपालमा संक्रमितको संख्या १६ पुगेको छ। एक जना निको भएर घर फर्किएका छन्।

वल्डोमिटर तथ्यांक अनुसार कोरोना भाइरसको संक्रमणबाट विश्वमा मृत्यु हुनेको संख्या १ लाख ४४ हजार २ सय ४३ पुगेको छ।

अमेरिकामा सबैभन्दा बढी मानिसको मृत्यु भएको छ। अमेरिकामा मृत्यु हुने संख्या ३४ हजारभन्दा बढी रहेको छ। २४ घण्टामा अमेरिकामा २ हजारभन्दा बढी मानिसको मृत्यु भएको छ। विश्वमा २४ घण्टामा २९ हजारभन्दा बढी मानिस संक्रमित भएका छन्। विश्वमा २१ लाख ५८ हजार २ सय ५० जना संक्रमित भएका छन्। ६ देशमा १ लाख भन्दा बढी मानिस संक्रमित भएका छन्।