काठमाडौं, १४ बैशाख । कोरोना भाइरस (कोभिड–१९) संक्रमणका कारण अमेरिकामा मृत्यु हुने मानिसको संख्या ५४ हजार नाघेको छ ।
नेपाली समयअनुसार शनिवार विहान सम्म ५४ हजार २ सय ५६ जनाको मृत्यु भएको छ । पछिल्लो २४ घण्टामा त्यहाँ ३५ हजार २९३ जना नयाँ संक्रमित थपिएका छन् । योसँगै संक्रमित हुने मानिसको संख्या ९ लाख ६० हजार ६५१ पुगेको छ ।
अमेरिकामा संक्रमितमध्ये १ लाख १८ हजार १६२ जना उपचारपछि निको भएका छन् । उपचार गराइरहेका ७ लाख ८८ हजार ११५ जनामध्ये १५ हजार ११० जनाको अवस्था गम्भीर रहेको छ ।
प्रतिक्रिया दिनुहोस्