काठमाडौ, १४ बैशाख । लकडाउन के गर्ने भन्ने विषयमा छलफल गर्न बोलाइएको मन्त्रिपरिषद् बैठक प्रधानमन्त्री निवास बालुवाटारमा बसेको छ ।

यसअघि मन्त्रिपरिषद् बैठक दिउँसो दुई बजेका लागि बोलाइएको थियो । बैठकमा सहभागि एक मन्त्रीका अनुुसार २ हप्ता लकडाउन थप्ने र कोरोनाको जोखिम कम भएका स्थानमा लकडाउनलाई कस्तो मोडालिटीको बनाउने भन्नेबारे छलफल भईरहेको छ ।

कोभिड १९ को रोकथाम तथा नियन्त्रणका लागि उपप्रधान तथा रक्षामन्त्री ईश्वर पोखरेल नेतृत्वको उच्चस्तरीय समन्वय समितिले कार्यदलको सुझावका आधारमा एकहप्ता लकडाउन थप्न सुझाव दिएको थियो । अर्को हप्तादेखि भने लकडाउनलाई खुकुलो बनाउने सुझाव पनि समितिको कार्यदलले दिएको छ ।

चैत ११ गतेदेखि जारी लकडाउन भोलि सकिदैछ । लकडाउनका कारण कोरोना संक्रमण नियन्त्रण उन्मुख भएको उच्चस्तरीय समितिको निष्कर्ष छ । उच्चस्तरीय समितिमा भने कम प्रभावित क्षेत्रमा लकडाउन खुकुलो बनाउने विषयमा पनि हिजो छलफल भएको थियो ।