काठमाडौं, १६ बैशाख ।  विश्वभर कोरोना संक्रमितको संख्या ३० लाख ६२ हजार ३ सय ५४ पुगेको छ। कोरोनाबाट मृत्यु हुनेका संख्या २ लाख ११ हजार ४ सय ३३

पुगेको छ । संक्रमितको संख्या अमेरिकामा सर्वाधिक छ।  मंगलबार बिहानसम्मको तथ्यांक अनुसार अमेरिकामा १० लाख १० हजार १२३ जना संक्रमित भएका छन्।

त्यस्तै, स्पेनमा २ लाख २९ हजार ४ सय २२, इटालीमा १ लाख ९९ हजार ४ सय १४, फ्रान्समा १ लाख ६५ हजार ९ सय ६२, जर्मनीमा १ लाख ५८ हजार ४ सय ३४, बेलायतमा १ लाख ५८ हजार ३ सय ४८ जना संक्रमित भएका छन्।

मृत्यु हुनेको संख्या पनि अमेरिकामै सर्वाधिक छ। त्यहाँ ५६ हजारभन्दा बढीले ज्यान गुमाएका छन्।

त्यस्तै, इटालीमा २६ हजार ९ सय ७७, स्पेनमा २३ हजार ५ सय २१, फ्रान्समा २३ हजार २ सय ९३, बेलायतमा २१ हजार ९२ जनाको मृत्यु भइसकेको छ।

विश्वभर ९ लाख २१ हजार २ सय ९१ उपचारपछि निको भइसकेका छन्।

नेपालमा पनि ५२ जना संक्रमित भइसकेका छन्। १६ जना भने उपचारपछि निको भएका छन्।