काठमाडौं, ३१ बैशाख । भारतमा कोरोना भाइरसबाट मृत्यु हुनेको संख्या २४ सय १५ पुगेको छ । यो समाचार तयार पार्दासम्म पछिल्लो २४ घण्टामा त्यहाँ थप १२१ जनाको मृत्यु भएको छ । एकैदिन अरु ३ हजार ५३२ जना संक्रमित थपिएपछि कुल संक्रमितको संख्या ७४ हजार २९२ पुगेको छ ।
४७ हजार ७०८ जनाको उपचार भइरहेको छ भने अहिलेसम्म २४ हजार ४२० जना निको भएका छन् । कोराना भाइरसको संक्रमण फैलिने क्रम नरोकिएपछि भारतमा मार्च २४ देखि लकडाउन जारी गरिए पनि क्रमिक रुपमा खुकुलो बनाउँदै लगिएको छ । मंगलबारदेखि भारतमा सीमित संख्यामा रेल सेवा सञ्चालन गर्न दिइएको छ ।
प्रतिक्रिया दिनुहोस्