काठमाडौं, १५ जेठ । सरकारले आम सञ्चार एवं चलचित्र क्षेत्रमा कोरोना भाइरसका कारण परेको प्रभावको सम्बोधन गर्ने बताएको छ।

अर्थमन्त्री युवराज खतिवडाले अर्थिक वर्ष २०७७र०७८ को वार्षिक बजेट प्रस्तुत गर्दै निर्माण, यातायातसँगै आमसञ्चार एवं चलचित्र लगायत क्षेत्रलाई दिइने छुट बारे बताउनु भएको हो ।

उहाले कोरोनाको कारण निर्माण, यातायात, आमसञ्‍चार, चलचित्र लगायतका क्षेत्रमा परेको प्रभाव सम्बोधन गर्न इजाजत पत्र तथा उपकरणको नवीकरण दस्तुरमा छुट तथा चालु पूँजीको लागि कर्जा सुविधा एवम् लकडाउन अवधिभरको ठेक्का तथा बैंक ग्यारेन्टीको म्याद थपको व्यवस्था गरेको तथा कोरोनाका कारण उत्पन्न व्यवसायिक अवसरको उपयोग गर्न नवप्रवर्तनकारी कार्यमा लगानी प्रोत्साहन गर्न चाहने उद्यमी व्यवसायीलाई २ प्रतिशत ब्याजदरमा उपलब्ध गराइने नवप्रवर्तन सुरुवाती पुँजीका लागि ५० करोड व्यवस्था गरे बताउनुभयो ।

उहाले उल्लेखित क्षेत्रको इजाजत पत्र तथा नविकरण दस्तुरमा छुट उपलब्ध गराउने बताएका हुन्। साथै सम्बन्धित क्षेत्रको चालु पुँजीका लागि कर्जा सुविधा र लकडाउन अवधिभरका लागि ठेक्का तथा वैंक ग्यारेन्टी थप हुने समेत घोषणा गर्नुभएको छ ।