झापा,१४ मंसिर । नेकपा एमालेका अध्यक्ष केपी शर्मा ओलीले मुलुकलाई गलत दिशामा जानबाट रोक्न वाम गठबन्धनलाई जिताउनु आवश्यक रहेको बताएका छन् ।
राप्रपासहितको बाम गठबन्धनले विहिवार भद्रपुरस्थित गिरीचोकमा आयोजना गरेको चुनावी जनसभालाई सम्बोधन गर्दै अध्यक्ष ओलीले देशलाई अरुको इसारमा चलाई गलत दिशामा लानबाट जोगाउन र देश विकास गर्न बामपन्थीलाई जिताउनु आजको आवश्यकता रहेको बताए ।
ओलीले सञ्चारमाध्यममा आएको समाचारको खण्ड गर्दै एमालेले ‘म्याच फिक्सिङ्ग’ को नाममा झापा– ३ मा राप्रपालाई कुनै हालतमा धोका दिने पक्ष नरहेको बताए । झापा ३ मा पर्ने हुलाकी राजमार्ग र चाराआली–केचना सडक खण्ड निर्माण कार्य अहिले भइरहेको उल्लेख गर्दै उहा“ले यी योजना कसले र कसरी ल्याएको जनता समक्ष प्रष्ट्याउन कांग्रेस उम्मेदवारलाई चुनौती दिए ।
प्रतिक्रिया दिनुहोस्