टीकापुर, २८ जेठ । कैलालीको टीकापुर नगरपालिका वडा नं।–१ का चार जना युवकलाई प्रहरीले बालिका बलात्कारको आरोपमा मङ्गलवार पक्राउ गरेको छ ।
बालिका बलात्कारको आरोपमा प्रहरीले टीकापुर नगरपालिका वडा नं.–१ ब्यवशाय क्षेत्रका १८ वर्षीय सन्दीप ठकुल्ला, १९ वर्षीय डम्बर ठकुल्ला, २० वर्षीय दीपक ठकुल्ला र २१ वर्षीय दीपक बुढालाई पक्राउ गरेको हो भने उनीहरू संगैका एक जना फरार रहेका छन् । उनीहरूको समुहले टीकापुर नगरपालिका वडा नं.–१ कै १४ वर्षीया वालिकाहरू माथि बलात्कार गरेको आरोप छ ।

टीकापुर नगरपालिका वडा नं.१ र २ को सीमामा पर्ने रानी कुला नदी किनारमा सामुहिक र एकल बलात्कार गरेका हुन् । कैलाली जिल्ला अदालतबाट मङ्गलवार नै ७ दिनको म्याद थप गरी उनीहरूमाथि अनुसन्धान भइरहेको टीकापुरका प्रमुख, प्रहरी नायव उपरीक्षक मधुसुधन न्यौपानेले जानकारी दिनुभयो ।