काठमाडौं, २८ जेठ । प्रधानमन्त्री केपी शर्मा ‌ओलीले नेपालमा कोरोना संक्रमित भएकाहरूमध्ये ८५ प्रतिशतभन्दा बढी भारतबाट आएका व्यक्ति रहेको बताउनु भएको छ ।

प्रधानमन्त्री केपी शर्मा ओलीले बुधबारको बैठकलाई सम्बोधन गर्दै उहाँले भन्नुभयो ुमैले भन्नैपर्ने हुन्छ हामीकहाँ संक्रमित कोरोनामध्ये ८५ प्रतिशतभन्दा बढी भारतबाट आएका व्यक्तिहरू छन् । भारतबाट जुन व्यक्तिहरू नेपाल प्रवेश गरेका थिए उहाँहरूमा कोरोना देखिएको हो ।
भारतबाट मान्छे नेपाल प्रवेश गरेपछि बाढी जसरी कोरोना संक्रमित बढेको प्रधानमन्त्रीको भनाइ थियो । भारतबाट दैनिक हजारौंको संख्यामा नागरिक आएपछि एकैपटक ठूलो संख्यामा पीसीआर र आरडीटी टेस्ट गर्नु परेको बताउनुभयो ।

प्रधानमन्त्रीले भारतबाट आएकाहरू नेपालका क्वारेन्टाइनमा संक्रमित नभएर उतै कोरोना लागेर आएको बताउनुभयो । नेपालमा क्वारेन्टाइन गुणस्तरीय नभएका कारण संक्रमित भएका होइनन् ।

भारतबाट आउँदाआउँदै, ट्रेनमा कोचाकोच गरेर आउँदा र उतै संक्रमित भएका आएका हुन सक्ने बताउनुभयो । भारतबाट वैशाखमा नेपाल प्रवेश गर्नेको संख्या ७ हजार रहेकोमा जेठमा त्यो संख्या २ लाख २२ हजार ६ सय पुगेको र पछिल्लो समय दैनिक ८ हजारसम्म व्यक्ति नेपाल प्रवेश गरिरहेको उहाले बताउनुभयो ।