दैलेख, २२ जेठ । दैलेखको सरस्वती माविको आइसोलेसनमा उपचार गराई रहेका २२ जना कोरोना मुक्त भएका छन् ।
शुक्रवार कोरोना जितेर घर जानेमा भारतबाट आएका नारायण नगरपालिका भित्रका २२ जना पुरुष रहेको अस्पतालले जनाएको छ । २२ जना पुरुषहरूलाई १५ देखि २५ दिनसम्म आइसुलेसनमा राखेर उपचार गराएपछि आज कोरोनामुक्त भएका उनीहरुलाई घर पठाइएको स्वास्थ्य सेवा कार्यालय दैलेखका खोप अधिकृत थिरप्रसाद रेग्मीले बताउनुभयो ।
केही दिनअगाडि सरस्वती माविको साइसोलेसनमा उपचार गराइ रहेकी २५ वर्षीय महिलाले कोरोना जितेकी थिइन् भने दुल्लुमा रहेको कोरोना अस्पतालबाट दुई वर्षीय बालकसहित ३ जनाले कोरोना जितेका थिए। शुक्रबार कोरोनामुक्त भएका २२ जनासहित दैलेखमा कोरोना जित्नेको संख्या २६ पुगेको छ।
प्रतिक्रिया दिनुहोस्