काठमाडौ, ११ असार । ब्राजिलमा पछिल्लो २४ घण्टामा ४० हजार ६ सय ७३ जनामा कोरोना संक्रमण देखिएको छ ।
शुक्रबार विहानसम्म ब्राजिलमा ५५ हजार ५४ जनाको कोरोनाको कारण ज्यान गएको छ । हालसम्म १२ लाख ३३ हजार १४७ जनामा कोरोना संक्रमण देखिएको र संक्रमितमध्ये ६ लाख ४९ हजार ९०८ जना कोरोना उपचारपछि निको भएर घर फर्किएका छन् ।
त्यस्तै बितेको २४ घण्टामा थप १ हजार १८० जनाको कोरोनाले ज्यान गएको छ । संक्रमितमध्ये ८ हजार ३१८ जनाको अवस्था गम्भीर रहेको वर्ल्डओमिटरको तथ्यांकले देखाएको छ ।
विश्वव्यापी महामारीको रुपमा फैलिएको कोरोना भाइरसका कारण ४ लाख ९० हजार ९३३ जनाले ज्यान गुमाएका छन् । हालसम्म ९६ लाख ९९ हजार ५ सय ६२ जनामा कोरोना संक्रमण देखिएको छ । हालसम्म ५२ लाख ५१ हजार १०९ जना कोरोनाको सफल उपचारपछि निको भएर घर फर्किएका छन् ।
प्रतिक्रिया दिनुहोस्