काठमाडौं, १३ असार । सत्तारूढ नेपाल कम्युनिष्ट पार्टी नेकपाको स्थायी कमिटी बैठक असार १६ गतेसम्मका लागि स्थगित भएको छ। बैठकबारे शनिबार अपरान्ह पत्रकारहरूलाई जानकारी दिँदै प्रवक्ता नारायणकाजी श्रेष्ठले दुई दिन बैठक स्थगित गरिएको बताउनुभयो । अर्को बैठक असार १६ गते विहान ११ बजे पुन बस्ने गरि सकिएको उहाले बताउनुभयो ।
भोलि मदन जयन्तीमा नेताहरू विभिन्न कार्यक्रममा सहभागी हुनुपर्ने र पर्सी १५ असार दहि चिउरा खाने दिन भएकोले १६ गतेका लागि बैठक पुन बस्ने प्रवत्ता श्रेष्ठले बताउनुभयो । शनिबार सीमाबारे स्थायी कमिटीमा छलफल भएको थियो। २१ जना स्थायी कमिटी सदस्यले सीमाबारे धारणा राखेको श्रेष्ठले बताउनुभयो । असार १६ गते सीमाबारे केहीबेर छलफल गर्ने र अरू एजेन्डामाथि छलफल हुने जानकारी दिनुभयो ।
प्रतिक्रिया दिनुहोस्