बझाङ , १६ असार ।    बझाङको जयपृथ्वी नगरपालिकाले नगरपालीका भित्रका एकल पुरुषलाई प्रोत्साहन भत्ता दिइने नीति ल्याएको छ ।आगामी आर्थिक वर्ष २०७७/७८ मा सो भत्ताको व्यवस्था गरिने नीति पारित गरिएको हो । ज्यपृथ्वी नगरपालिकाकी उपप्रमुख जुना जाग्रीले नीति तथा बजेटमा उक्त व्यवस्था सार्वजनिक गरेकी हुन ।

५० देखि ७० उमेर ननाघेको कुनै किसिमका भत्ता नपाउने एकल पुरुषलाई सामाजिक सुरक्षा भत्ता उपलब्ध गराइने व्यवस्था मिलाएको नगर प्रमुख वीरेन्द्र खड्काले जानकारी दिए । यस अघि ७ नम्बर वडा कार्यालयले आर्थिक बर्स २०७५/७६ मा वडा भरिका एकल पुरुषलाई प्रोत्साहन भत्ता बापत एकमुष्ट प्रतिव्यक्ति रकम २५०० उपलब्ध गराएको थियो ।

अब यही कार्यक्रमलाई नगर कार्यपालिकाले नीति निर्माण गरी नगरभित्र रहेका एकल पुरुषलाई प्रोत्साहन भत्ता बापत तीन लाख बजेट विनियोजन गरिएको प्रमुख प्रशासकीय अधिकृत मङ्गल शाहीले बताएका छन् । साथै उहाँल थपे नगर भित्रका सबै वडाभरि एकल पुरुषको तथ्याङ्क सङ्कलन भइरहेको बताए । एकल पुरुषलाई प्रोत्साहन बापत सम्मान गरिने बताए ।