काठमाडौं, २७ असार । विश्वभर महामारीको रुपमा फैलिएको नोवेल कोरोना भाइरस भारतमा तीन दिन यता लगातार तिव्ररुपमा बढ्दै गएको छ । दैनिक २६ हजारभन्दा बढीमा कोरोना भाइरसको संक्रमण भएको छ । शनिबार सम्म एकै दिन २७ हजार ७२८ जना संक्रमित भएका छन् ।
योसँगै भारतमा कोरोना संक्रमितको संख्या ८ लाख २२ हजार ५७० पुगेको छ । संक्रमितको यो संख्या विश्वकै तेस्रो धेरै हो भने एसियामा सबैभन्दा धेरै हो । तीन दिनमा मात्रै भारतमा ७८ हजारभन्दा बढी संक्रमित भएका छन् । बिहीबार २५ हजार ५७१ जनालाई संक्रमण भएकोमा शुक्रबार बिहान २५ हजार ८०३ जना संक्रमित भएका थिए । यस्तै संक्रमणले मृत्यु हुनेको संख्या २२ हजार १४४ पुगेको छ भने ५ लाख १६ हजार २ सय ६ जना उपचारपछि निको भएका छन् ।
प्रतिक्रिया दिनुहोस्