काठमाडौं, २० साउन । अख्तियार दुरूपयोग अनुसन्धान आयोगमा कार्यरत १५ जनामा कोरोना भाईरस पुष्टि भएको छ । आयोगका जनसम्पर्क तथा सञ्चार विज्ञ शरद अधिकारीका अनुसार केन्द्रीय कार्यालय टंगालमा कार्यरत १५ जनामा कोरोना भाइरसको संक्रमण पुष्टि भएको हो ।
१ सय ८० जनाको स्वाब परीक्षण गर्दा १५ जनामा कोरोना संक्रमण पुष्टि भएको उनको भनाई छ ।अधिकारीका अनुसार प्रहरी प्रधान कार्यालयबाट काजमा आयोग आएका एक जना सईलाई ज्वरो आएको थियो ।
पछिल्लो समय प्रहरी प्रधान कार्यालयमा ७२ जनालाई कोरोना संक्रमण पुष्टि भएको थियो। प्रहरीमा कोरोना देखिएपछि आइतबार बिहान कार्यालयमै प्रमुख आयुक्त नवीन घिमिरेसहितको स्वाब संकलन गरिएको थियो।
प्रतिक्रिया दिनुहोस्