बझाङ , २८ साउन । नेपाल विद्युत प्राधिकरण बझाङ वितरण केन्द्रले विद्युत चोरी गर्ने १२ जनालाई कारवाही गरेको छ । विद्युत चुवाहट नियन्त्रण गर्न बझाङ वितरण केन्द्रका प्रशासन प्रमुख कर्ण बहादुर बोहराको नेतृत्वमा गएको प्राधिकरणको टोलिले जिल्लाको जयपृथ्वी नगरपालिका वडा नं. ७ सुवेडा र खगेडामा १२ जनालाई कारवाही गरेको हो ।

विद्युत चोरी गर्नेहरुको सर्भिसतार नियन्त्रणमा लिएको प्रशासन प्रमुख बोहराले बताउनुभयो । मंगलबार चुवाहट नियन्त्रण गर्न गरेको छड्केमा शिद्धराज जोशिको घरमा २ वटा मिटर रहेको र तार डाईरेक्ट जोडिएको यस्तै दिपक राज जोशीको घरमा मिटर नै नभएको र पोलबाट डाईरेक्ट तार तानेर विद्युत चोरी गरिएको थियो ।

विद्युत चोरी गर्ने जयपृथ्वी नगरपालिका वडा नं. ७ सुवेडा र खगेडाका अन्य १० जना पदम बहादुर। सार्की,सोनु बहादुर सार्की,विर्ष दमाई,गगन नेपाली, नरेन्द्र बहादुर, नेपाली, विरेन्द्र नेपाली,बिराट नेपाली,दमन रोकाया (विद्युत तारवाला), प्रयागराज जोशी र गोरख कुमार रोकायाले विद्युत चोरी गरेको र उनीहरु सवै जनाको सर्भिस तार नियन्त्रणमा लिएकोे विद्युत प्राधिकरण बझाङ शाखाले जनाएको छ । विद्युत चुहावट गर्ने व्यक्तिहरुलाई विद्युत चुहावट नियन्त्रण ऐन अन्र्तगत कारबाही गरिने बझाङ वितरण केन्द्रले जनाएको छ ।